Posts

85. Jesû nî Muriithi wa ng'ondu ciawe

 1.  Jesû nî Muriithi wa ng'ondu ciawe, Nandi tûrî bawe, tutîkamaka; Natutongeeretie ncebe-ne yawe, Tweta ngaruni-ne, atîgatuta. 2.   Jesû ni Murithi, natwaragiria Na kajo gakeega ga gütügwiria; Riria agüteta, aaragia mpaara Twamuthikiira ri, tûtîkarîûra. 3.   Jesû ni Murithi na natwendaga, Nitui aakuirire, aratûkûûra, Natwikiire rwano, tûmenyekage, Rwano rûrûniru tharike yawe. 4.  Jesû ni Mürithi Utûkaragia, Tûri ûgwatii-ne natwonokagia; Na muundu jwa gikuûjûtitûmakia; Mwathani Mûriithi agatûrûkia.

86. Mariamu aakarire amwe na Jesû

  1.  Mariamu aakarire amwe na Jesû, Akiendaga kwigua ruteto rwawe, Niûntû bwa ûtugi bwawe araewa kwinyiyia, Nani ningúkara o kîrî Jesû, Na ncinyiiyie mono nani anditane. 2.   Mariamu neetire o kirî Jesû, Ararita ngugi, ngugi înthongi, Arareta maguta jatuîke nkatho ciawe, Kinya ni ningwita o kiri Jesû, Ngugi ya Mwathani kinya ni ndite. 3.   Na ntuků imwe rûkiri kainda, Aroona Mwathani aragwirua mma, Aracoka kwirana Mwathani niariukite, Na nandi ati Jesû arî na mwoyo, Ni üntûbwakwa mwene ndinari mwiyia. 4.  Ngita kiri Jesû ndienua o mbere, Mmûmenye bûbwega na mwitikie, Nacio ngugi-ne ciawe nditage na wiru mma, Na ningi mûthûûmbe ndina witikio, Na kwawe Igûrû nkamûkumagia.

87. Bwigue mugambo jwa Jesû

 1.  Bwigue mugambo jwa Jesû, Ni Mwathani wetu Jesû, Ni mûkûûri wetu Jesû, Agitwita tûmûthingate. Nkathingataga o Jesû, Küria kunthe akambikagia, Nkathingataga o Jesû, Arî na nkoro yakwa yonthe. 2.   "Ijireni njira yakwa, Njira yakwa niyo njega, Cûûnkûûneeni njira yakwa, Na makinya jakwa jonthe." 3.  "Njira yakwa nî înceke, Nayo ni mucicîbîro; Indĩ ni njira ya gwitia, Ya gukinyania Igurũ.” 4.  “ Njira yakwa nî ya mwoyo, Na ni njira ya kugwirua; Nkeru itîkorothira, Kuu nja yakwa Îgûrû”.

88. Mwathani Mürungu Baaba

1.  Mwathani Mürungu Baaba, Ûtûkunikaga matû Ûkiigua kiriro gietû Nikio nandi twakwerenca, Tegeera antû na kiao,  Mogwatine ja iria. 2.  Rûûji rwa Galili o kenya, Ni rwabooreerue nigwe, Aritwa baigitue uguaa, Ibombithiirue kuruuna, Tontû bûû tûkûrombera, Antu njire-ne ya îria. 3.  Mianka yonthe ya îria, Ni yerekaniirue nîgwe, Na ngendo cionthe cia antu, Cionagwa ni metho jaku, Nikio Murungu teethagia, Antu njîre-ne ya îria. 4.  Ithe Mutana Kirundu, Raitha antu bonthe na kiao; Riria barî rûgendo-ne, Njira ya iria kana ya nthĩ, Tûteethie Mwathani wetu, Tûkinye gwaku Îgürü. 5.  Na riria tugakinya ku, Igûrûtûrî na Jesû, Tûkagoongaga na nkatho, Ithe Mûtana Kirundu, Tûteethie Mwathani Jesû, Mwanka twoonane Îgûrû.

89. Ng'ondu mirongo kenda na kenda,

 1.  Ng'ondu mirongo kenda na kenda, Ciari nkanathe-ne, Indi imwe nîyaûrîrîte, Kûraja na mwiriga, Yaari küraja na Murithi; O kûraja mono na kwari muundu.  (2x) 2.  "Ng'ondu iji cionthe iri aja, Ka itïûmba gûkûng'ana? Iu îmwe irekwe yûûre, Tontu iji ni inyingi mma, " Indi Murithi akimũcookeria, "Ndeeta gucwa ng'ondu iria yüürite."    (2x) 3.  Utuku buu Murithi, Aareere kithake-ne; Na gwakĩa aroona ng'ondu îu, Igwîte irinye-ne, Neka aaigiirue yaania ku, Îtigeerie beco îkue nî mpio. (2x) 4.  Na Murithi akinya njewe, Akiuga "Tugwirueni “, Ng'ondu yakwa îrîa îraaurîte, Ndikuthiria kumîona, Na araika baratûmîîria, Bakiugaga "Gwirueni, gwirueni mma, Ng'ondu iria iraaurîte îkwoonora".  (2x)

90. Ngwiragua nkithoma rüteto rwa kenya

  1.  Ngwiragua nkithoma  rüteto rwa kenya Riria Jesû  aatwire gûkû nthĩ Na ria eetaga  twana urithi-ne bwawe Nkaiririria keethirwa ndari o. 2.  Ndingigwirua  aringi kündîkîîra njara, Igita riria  aariûngaga gûkû nthĩ; Kana nkoona üthiu  bwawe riria augaga, Reka twana tütûtwije gwakwa. 3.  Kuromba noku  gûtumikia ngairwa, Rugai rwa  wendo bwa Mwathani; Nani nkamûthingataga  ndi nthigûrû, No nkamwona  kuu kwawe Igûrû. 4.  Gûntûkuu we  etiire kuthuuranira, Baria bonthe  bakûrîtwe nîwe, Twana tunthe  twendetwe tugacemania; Tontû Ûnene  bûu ibwatu tunthe. 5.  Baria bonthe  batüraga Mügundu-ne, Gûtirio baigua  wendo bwa Mûrungu; Ndenda nabo  bamenye nibeteretwe, Nawe Jesû aribeera ijeeni. 6.  Ndienda mono  îgita riu rîkinye, Tontu ni ria  kûgwirua gûkwingi; Aana bawe bonthe  ba migongo yonthe, Bakoothurana  amwe batharimwe.

91. Jesû, Gwe, twakûriikana

 1.  Jesû, Gwe, twakûriikana, Indi riria tukwonete, Nkoro nigwiragua; Gatûthinyaaraga. 2.  Ni riitwa riaku Mwathani, Ritumaga kwinwa, Rwimbo rûu rwa gügûkumia, Mwonokia wa antũ. 3.  Baria bairiraga meeyia, Ibamenyaga mma, Atî ukabarekera, Boonwe ta bateeyia. 4.  Ni bau bangi bamenyekia, Kana bakaandika, Wendo bwa Mwathani Jesû, Tiga nthuure ciawe? 5.  Kûgwirua gwa nkoro cietũ, Gûtikorothira, Tontu tukamukaathaga, Tûkigwiranagia.